Масъулини ХШБ шуъбаи ВКД дар ноҳияи Деваштич дар ҳамкорӣ бо шуъбаи маорифи ноҳия барои сари вақт гирифтани шиноснома дар байни хонандагон корҳои фаҳмонидадиҳӣ гузаронида, бо ташкили чорабиниҳои тантанавии шиносномасупорӣ ҳавасмандии хонандагонро барои гирифтани шиноснома бештар менамоянд. Дар 68 муассисаи миёнаи таълимии ҳудуди ноҳия мунтазам ингуна чорабиниҳо гузаронида талаботи шиносномадориро ба хонандагон мефаҳмонанд, ки натиҷа медиҳад.
Имрӯзҳо корбарии намояндагони хадамот ба маълумотнокии хонандагон дар самти низоми шиносномадорӣ мусоидат карда истодааст ва дар баробари ба синни шиносномагирӣ яъне синни 16 расидан аксарияти онҳо ихтиёрона талоши соҳибҳуҷҷат шуданро менамоянд.
Ҳафтаи равон ҳамин гуна чорабинии тантанавии шиносномасупорӣ дар МТМУ №20 ноҳия бо иштироки доираи васеъи хонандагони синфҳои болоӣ баргузор гашт. Мактаби мазкур дар деҳаи Истиқлоли ҷамоати деҳоти Муҷуни ноҳияи Деваштич воқеъ гардида аз маркази ноҳия дар масофаи дур ҷойгир мебошад. Дар чорабинӣ 25 нафар хонанда дар вазъияти тантанавӣ шиносномаи худро дар ҳузури ҳамсолонашон ба даст гирифтанд. Пеш аз оғози супоридани шиноснома сардори ХШБ ШВКД дар ноҳияи Деваштич подполковники милитсия Файзалӣ Эмомалӣ муқаррароти қонунгузорӣ дар самти шиносномадориро ба хонандагон фаҳмонид.
Ёдовар мешавем, ки ташкили чорабиниҳои тантанавии шиносномасупорӣ ба хонандагон талаботи муқарарнамудаи роҳбарияти ХШБ ВКД буда, иҷрои талаботи мазкурро зерсохторҳои минтақавӣ бояд таъмин намоянд ва дар ин самт масъулин ҳисобот медиҳанд.
Дар ноҳияи Деваштич дар давраи ду моҳу 25 рӯзи сипаришудаи соли 2023 масъулини ХШБ ба 1 353 нафар бори аввал шиносномаи миллӣ таҳия кардаанд, ки 80 % он наврасони то синни 17 мебошанду бе гузаронидани муҳлатҳои пешбининамудаи қонунгузорӣ шиноснома гирифтаанд.
Акбар Шарифӣ, майори милитсия