Бо мақсади дар сатҳи баланд доир намудани чорабиниҳои ба таври тантанавӣ супоридани шиноснома ба хонандагони синфҳои болоии мактабҳои миёна санаи 2-юми апрели соли 2025 намояндагони Хадамоти шиносномавию бақайдгирӣ бо мусоидати сардори ХШБ ШВКД-1 дар ноҳияи Рӯдакӣ подполковники милитсия Наимзода Содиқ Абдурозиқ дар баробари бурдани корҳои фаҳмондадиҳию тарғиботӣ ба хонадагони муассисаи таҳсилоти миёнаи умумии №8-и ҷамоати деҳоти Чоргултеппаи ноҳияи Рӯдакӣ ба таври тантанавӣ шиноснома супориданд.
Дар баромади хеш масъулин доир ба масъалаҳои мубрами замон, алалхусус оид ба хатару таҳдидҳои гурӯҳҳои ифротгарою ҷиноятпеша, амалу кирдорҳои зиддиҳуқуқии аз ҷониби наврасону ҷавонон рух додашаванда ибрози назар намуда, баҳри баланд бардоштани ҳисси ватандӯстӣ, масъулиятшиносӣ, эҳтиром ба арзишҳои давлатдорию миллӣ таваҷҷӯҳи иштирокчиёнро ҷалб сохтанд.
Зимни чорабинӣ масъулин шиносномаҳои омадагардидаро ба 35 нафар хонандагони мактаби мазкур супориданд.
Расми хотиравӣ чорабинии тантанавиро ҳусни анҷом пазируфт.
