Санаи 2-юми апрели соли равон, дар доираи таъмин намудани хонандагони мактабҳои миёнаи умумӣ бо шиносномаи шаҳрванди Ҷумҳурии Тоҷикистон масъулини ХШБ ВКД бо мусоидати корманди бахши шиносномавии ШМД «Навобод»-и ноҳияи Рӯдакӣ майори милитсия Муҳамадҷонзода Холид Сайдаҳмад дар баробари корҳои фаҳмонидадиҳӣ ба хонандагони муассисаи таҳсилоти миёнаи умумии №74 ноҳияи Рӯдакӣ, воқеъ дар маҳаллаи Маҳмадшои поёни ҷамоати деҳоти Сарикиштӣ ба онҳо дар фазои тантанавӣ шиноснома супориданд.
Зимни вохӯрии судманд аз ҷониби масъулин шиносномаҳои омадагардида ба 20 нафар хонандагони мактаби мазкур супорида шуд.
Қобили зикр аст, ки ташкили чунин чорабиниҳои тантанавии шиносномасупорӣ ба хонандагон, талаботи муқарарнамудаи роҳбарияти ХШБ ВКД мебошад, ки аз ҷониби муассисаҳои таълимӣ ва волидони хонандагон тарафдорӣ пайдо намуда, ба нақшаи кории хадамоти шиносномадорӣ ворид шудааст.
