Намояндагони Хадамоти шиносномавию бақайдгирӣ бо мусоидати сардори ХШБ ШВКД дар ноҳияи Файзобод майори милитсия Амирзода Ёқуб Юсуфали дар ҳамкорӣ бо бахши маорифи ноҳия ва маъмурияти муассисаи таълимӣ санаи 4-уми апрели соли 2025 ба беш аз 20 нафар хонандагони муассисаи таҳсилоти миёнаи умумии №35 ҷамоати деҳоти Вашгирди ноҳияи Файзобод шиносномаи шаҳрванди Ҷумҳурии Тоҷикистон супориданд.
Зимни баромади хеш роҳбарияти Хадамот бо хонандагони синфҳои болоии мактаби миёнаи зикргардида ба масъалаҳои мубрами ҷомеаи имрӯза, аз ҷумла хатару таҳдидҳои гурӯҳҳои ифротгаро, пешгирии амалу кирдорҳои зиддиҳуқуқӣ, махсусан ҳолатҳои занозанию лату кӯб, авбошии байни наврасону ҷавонон суханронӣ намуда, ҷиҳати баланд бардоштани ҳисси ватандӯстию меҳанпарастӣ, масъулиятшиносии ҷавонону наврасон, эҳтиром ба арзишҳои миллӣ корҳои тарғиботӣ бурданд.
Дар навбати худ, хонандагон аз ташкили чунин чорабиниҳои тантанавӣ рӯҳбаланд шуда, иброз доштанд, ки сатҳи хонишу малакаю маҳорати худро сайқал дода, кӯшиши худро ба соҳибкасбу соҳибилм шудан равона месозанд.