Дар Хадамоти шиносномавию бақайдгирии Вазорати корҳои дохилӣ зимни чорабинии идоравӣ кормандони ботаҷрибаи соҳа – муовини сардори шуъба оид ба корҳои шиносномавӣ, подполковники милитсия Ҳабибова Гулшанби Хайруллоевна дар фазои тантанавӣ ба нафақа гусел карда шуд.
Роҳбарият ва ҳайати шахсии Хадамоти шиносномавию бақайдгирӣ ба Гулшанби Хайруллоевна барои хизматҳои софдилонаю содиқона дар тайи солҳои зиёд миннатдорӣ намуда, изҳори боварӣ карда шуд, ки минбаъд низ ў бо таҷрибаи бойи андўхтаи худ ба кормандони ҷавони хадамот роҳнамо хоҳад шуд.
Бояд қайд намуд, ки подполковники милитсия Ҳабибова Гулшанби Хайруллоевна дар соҳаи хадамоти шиносномавию бақайдгирӣ зиёда аз 31 соли тақвимӣ фаъолият намуда, дар вазифаҳои гуногун масъулиятнок иҷрои вазифа кардааст. Соҳиби медалу ифтихорнома ва мукофотҳои зиёди идоравӣ мебошад.
Дар чорабинии тантанавӣ ба номбурда аз ҷониби сардори Хадамоти шиносномавию бақайдгирӣ полковники милитсия Мирзозода Ҷомӣ Ҷамахон барои хизматҳои арзандааш дар мақомоти корҳои дохилӣ туҳфаи хотиравӣ тақдим карда шуд.
Х.Солиҳӣ